Եթե վերջերս ոստիկանությունը վստահություն ստեղծելու համար իմիտացիոն քայլեր էր ձեռնարկում, ապա տեսնելով որ դա պարապ ջանքեր են 2012թ. փետրվարի 3 -ին անցավ ռեալ գործողության: Այս քայլով ոստիկանությունը մեկ անգամ եւս ցույց է տալիս որ իշխանությունները պարզապես վաղուց թքած ունեն հանրային կարծիքի վրա էլ եւ բռնություններով Ս. Սարգսյանին աթոռի վրա պահելու խնդիր է դրվել: Ոստիկանության եւ իշխանությունների բարձրացած աղմուկը, լրագրողի նկատմամբ կատարված իրենց ապօրինի գործողությունների առիթով զարմանալի է, ասես կալանավորել են դոդի կամ սաշիկի թիկնապահներին հերթական ապօրինի հրամանը կատարելիս եւ ներկայացնում են հանրության դատին: Իսկ եղածը Հայաստանը երկրի երեսից վերացնելուն խանգարողների նկատմամբ հալածանք կարելի է որակել:
Հիմա միջազգային կառույցները մարտի 1 փոխարեն կպահանջեն ազատ արձակել քաղբանտարկյալ-լրագրողին, մի խոսքով Գյուլնազ տատի կամ "Հազար ու մեկ գիշերվա" հեքիաթները հայ ժողովրդի համար շարունակվում են:
Թե ինչպես է ՀՀ -ում գործեր սարքվում հայտնի է բոլորին, ձեռագիրը ծանոթ, սցենարը 2008թ. մարտի 1 գործով քրեական գործեր հարուցելու պրակտիկայի "զինանոցից":
Ոստիկանական այս բութ, անհիմն գործողությունը Հայաստանում խոսքի ազատության վիճակի արտահայտությունն է.
Ոստիկանության տեսանյութը. Աշոտ Մելիքյանի մեկնաբանությունը
ՀԱԿ հայտարարությունը.
ՀԱԿ-ը պահանջում է անհապաղ ազատ արձակել Հայկ Գևորգյանին
Հայ ազգային կոնգրեսը այսօր հանդես է եկել հայտարարությամբ` պահանջելով անհապաղ ազատ արձակել նախօրեին կալանավորված լրագրող, «Հայկական ժամանակ» օրաթերթի գլխավոր խմբագրի տեղակալ Հայկ Գևորգյանին:
«Ոստիկանության հիմնազուրկ բացատրություններն արդեն իսկ վկայում են, որ Հայկ Գևորգյանի նկատմամբ հարուցված քրեական գործը շինծու է: Իրականում նա ազատությունից զրկվել է բացառապես իր մասնագիտական գործունեության, այն է` իշխանությունների կատարած ապօրինությունները բացահայտելու և հանրության սեփականությունը դարձնելու պատճառով»,- ասված է հայտարարության մեջ։
«Սերժ Սարգսյանի վարչախումբը հերթական մարտահրավերն է նետել Հայաստանում խոսքի ազատությանը: Գիտակցելով սպասվող քաղաքական, հասարակական ակտիվ գործընթացների վտանգավոր բնույթն իր համար, ինչպես նաև առաջիկա ընտրություններում իշխող կուսակցության անխուսափելի պարտությունը` վարչախումբն արդեն իսկ լծվել է իր հակաժողովրդավար բնույթը մերկացնող քաղաքացիների, լրագրողների չեզոքացման օպերացիայի իրականացմանը»,- պնդում է Հայ ազգային կոնգրեսը` կոչ անելով Հայաստանի և միջազգային լրագրողական շրջանակներին իրենց համախմբված բողոքը արտահայտել Հայկ Գևորգյանի կալանավորման կապակցությամբ:
ԵՄ ն ու ՄԱԿ ը կզբաղվեն Հայկ Գևորգյանի կալանավորման խնդրով.
Շնորհակալություն որ հետաքրքրվում եք բլոգով: Ամբողջական կամ մասնակի մեջբերումներ անելիս հղումը դեպի տվյալ գրառումը պարտադիր է:
Комментариев нет:
Отправить комментарий