Հայ զինառայողների քաջարի գործողությունների շնորհիվ ադրբեջանցիների առաջխաղացումը կասեցվել է և տալով կորուստներներ` հակառակորդը ետ է մղվել: Ադրբեջանական գործողության արդյունքում զոհվել են երեք ՀՀ ԶՈւ զինծառայողներ Հրաչ Սամվելի Սարգսյանը, Զոհրաբ Խաժակի Բալաբեկյանը և Կարեն Կամոյի Դավթյանը: Կան 5 վիրավորներ:
Տավուշի մարզի Չինարի գյուղում այս գիշեր տեղի ունեցած սահմանային միջադեպն ուղղակիորեն կապված է ԱՄՆ պետքարտուղար Հիլարի Քլինթոնի հայաստանյան այցելության հետ: Հայաստանյան կարևորագույն այցերի օրերին սահմանում միջադեպեր հրահրելը թուրք–ադրբեջանական քաղաքականության մասն է կազմում, հայտնել է ռազմական փորձագետ Արծրուն Հովհաննիսյանը:
"Արևմուտքի համար հիմա առավել քան երբևէ Ղարաբաղում ստատուս քվոյի պահպանումը ռազմավարական խնդիր է: Արևմուտքը հիմա այնքան խնդիրներ ունի, որ Ղարաբաղի նման, մեղմ ասած, փոքր խնդիրը նրա համար հիմա առաջնային չէ։ Իսկ ընդհանրապես Արևմուտքը, ընդհանուր առմամբ վերահսկելով ղարաբաղյան բանակցային գործընթացը, բազմաթիվ անգամներ հասկացրել է, որ խնդրի լուծումը թողնում է Մոսկվային", ասել է փորձագետը:
Ղարաբաղի խնդրի ձգձգումը շատ ձեռնտու է Ադրբեջանին եւ անկասկած ձեռնտու չի Հայաստանին: Հայաստանի յուրաքանչյուր կեղծված ընտրությունից հետո նոր թափով է շարունակվում արտագաղթը: Արտագաղթի հիմնական գործոններից է ծանր սոցիալական վիճակը երկրում: Բեւեռվածության մակարդակով Հայաստանը աշխարհում առաջին տեղերից մեկն է գրավում, երկրում 1 մլն 300 հազար աղքատ մարդ կա եւ հինգ միլիարդատեր, ողջ ունեցվածքը կենտրոնացած է մի քանի հոգու ձեռքում եւ դրանք թալանը շարունակելու ու հարկերից խուսափելու արդյունքում բյուջեից առնվազը երկու անգամ մեծ ստվերային շրջանառություն են իրականացնում:
Պատրաստված է http://lurerarm.blogspot.com/ Շնորհակալություն որ հետաքրքրվում եք բլոգով: Ամբողջական կամ մասնակի մեջբերումներ անելիս հղումը դեպի տվյալ գրառումը պարտադիր է:
Комментариев нет:
Отправить комментарий