ՀՀ ԱՎԱԶԱԿԱՊԵՏԵՐԸ ՎԱՂՈՒՑ ԳԻՏԵԻՆ
Այս հարցը շատ հաճախ եմ տվել ինքս ինձ ու չեմ բարձրաձայնել, որովհետեւ պատասխանը չունեի: Իսկ չբարձրաձայնած հարցս սա էր` Հայաստանի ավազակապետերը, ինչու՞ են այսքան հետեւողականորեն ձգտում, որ Վահրամ Մարգարյանը դատվի որպես մարդասպան: Հիշեցնեմ. Վահրամ Մարգարյանը ռամիլսաֆարովի կացնով Բուդապեշտում մորթված սպա Գուրգեն Մարգարյանի եղբայրն է:
Կասեք` հետո՞ ինչ. եթե նույնիսկ Աղվան Հովսեփյանի եղբայրը լիներ` մարդ է սպանել, ուրեմն` պետք է դատվի: Կհամաձայնեի, եթե դատվեին Պողոս Պողոսյանի դահիճները, Լեւոն Գուլյանին ոստիկանության լուսամուտից դուրս նետող ոստիկանները, Մարտի 1-ի
տասը երիտասարդներին գնդակահարող ֆաշիստները, Տիգրան Օհանջանյանին ու Արտակ Նազարյանին սպանող սադիստները, Վահե Ավետյանին ծեծամահ արած «բուդկաների մարզիչը»… Այս օրինակները Հայաստանում անպատիժ մնացած, առոք-փառոք ապրող մարդասպանների հսկա ցուցակի մի չնչին մասն են: Ավելին, Վահրամ Մարգարյանի դեմ միակ ցուցմունք տվողը ոչ անհայտ ֆրանգուլյանն է, որը Հայկ Գեւորգյանի դեմ սարքած ծիծաղելիության աստիճան կեղծ քրեական գործի գլխավոր դերակատարն էր, եւ վաղուց արդեն կասկածող չկա, որ սրան ոստիկանությունը, մի քանի դրամի դիմաց, օգտագործում է` քաղաքացիների վրա քրեական գործ «կարելու» համար:
Սա դեռ բոլորը չէ. մյուս ամբաստանյալը համառորեն պնդում է, որ մարդասպանը Վահրամ Մարգարյանը չէ, ինքն է: Գուցե դատախազությունն ա՞յլ տվյալներ ունի (բացի ֆրանգուլյան կոչեցյալից), որին մենք տեղյակ չենք, ու թաքուն են պահում, որ աչքով չտանք, գուցե իսկապես Վահրամ Մարգարյա՞նն է մարդասպանը… Բայց, պարոնայք արդարադատության ռահվիրաներ, էս ո՞նց պատահեց, որ հենց Գուրգեն Մարգարյանի եղբոր` Վահրամի դեպքում ձեր թունդ օրինապաշտությունը բռնեց: Սովոր եք, չէ՞, մարդասպանություններ կոծկել, էն էլ ոնց եք` սովոր, էն էլ` ի~նչ աղմկոտ, սահմռկեցնող սպանություններ, էն էլ` ի~նչ հրեշավոր մարդասպանների… Լավ էլ խախուտ է Վահրամին ներկայացված մեղադրանքը` ֆրանգուլյանի հույսին եք մնացել, լավ էլ` խոստովանողը կա, որ ինքն է սպանել, հետն էլ հիմնավորում է, որ վրեժ է լուծել, սպանել է քիլերի` իր որդուն սպանողին, ինչու՞ չօգտվեցիք առիթից ու չկոծկեցիք նաեւ այս գործը` հանուն սպա Գուրգեն Մարգարյանի հիշատակի, հանուն սաֆարովյան կացնով նահատակված մեր տղայի վշտից քար կտրած հարազատների… Ի հեճուկս սաֆարովի ու ալիեւի եւ Ադրբեջանում դահճին հերոս հռչակած նախրի… Եթե նույնիսկ Վահրամ Մարգարյանը սպանած լիներ, եթե նույնիսկ հասարակությունը տեսներ, որ կոծկում եք այդ փաստը, սա երեւի միակ դեպքը կլիներ, որ ոչ ոք չէր փորփրի դատական գործը` ձեր կեղծիքը բացահայտելու համար: Աղբյուրի ջրի պես պարզ պատմություն. սպանվողը քիլեր էր, իր որդուն սպանող քիլերին էլ սպանել էր հայրը եւ դատարանում պնդում է, որ հենց ինքն է սպանել: Սրանից էլ պարզ ու համոզիչ պատմությու՞ն: Ու՞մ մտքով կանցներ փորփրել էս գործը` էս համատարած ապօրինությունների ճահճում` Գուրգեն Մարգարյանի եղբորը բանտ խցկելու համար…
Հիմա որ ասեմ` այս ամենի նպատակը Գուրգեն Մարգարյանին` հետմահու եւ Գուրգեն Մարգարյանի ընտանիքին վարկաբեկելն էր, որովհետեւ սաֆարովի արտահանձնման մասին Հայաստանի ավազակապետերը վաղուց գիտեին, եւ այս ամենն արվում էր, որ հասարակությունն ավելի թեթեւ տանի ադրբեջանահունգարահայկական դավադրությունը, կասեք` ինչ կեղտոտ բանե՞ր են անցնում մտքովս:
Ինչ ուզում եք` ասեք. Վահրամ Մարգարյանին մարդասպանության համար դատելու իշխանությունների անթաքույց ձգտումը, մի անգամ էլ ընդգծեմ` մարդասպանների նկատմամբ ակնհա’յտ հայրական վերաբերմունք ունեցող իշխանությունների, պատահականություն չէ:
Այս հարցը շատ հաճախ եմ տվել ինքս ինձ ու չեմ բարձրաձայնել, որովհետեւ պատասխանը չունեի: Իսկ չբարձրաձայնած հարցս սա էր` Հայաստանի ավազակապետերը, ինչու՞ են այսքան հետեւողականորեն ձգտում, որ Վահրամ Մարգարյանը դատվի որպես մարդասպան: Հիշեցնեմ. Վահրամ Մարգարյանը ռամիլսաֆարովի կացնով Բուդապեշտում մորթված սպա Գուրգեն Մարգարյանի եղբայրն է:
Կասեք` հետո՞ ինչ. եթե նույնիսկ Աղվան Հովսեփյանի եղբայրը լիներ` մարդ է սպանել, ուրեմն` պետք է դատվի: Կհամաձայնեի, եթե դատվեին Պողոս Պողոսյանի դահիճները, Լեւոն Գուլյանին ոստիկանության լուսամուտից դուրս նետող ոստիկանները, Մարտի 1-ի
տասը երիտասարդներին գնդակահարող ֆաշիստները, Տիգրան Օհանջանյանին ու Արտակ Նազարյանին սպանող սադիստները, Վահե Ավետյանին ծեծամահ արած «բուդկաների մարզիչը»… Այս օրինակները Հայաստանում անպատիժ մնացած, առոք-փառոք ապրող մարդասպանների հսկա ցուցակի մի չնչին մասն են: Ավելին, Վահրամ Մարգարյանի դեմ միակ ցուցմունք տվողը ոչ անհայտ ֆրանգուլյանն է, որը Հայկ Գեւորգյանի դեմ սարքած ծիծաղելիության աստիճան կեղծ քրեական գործի գլխավոր դերակատարն էր, եւ վաղուց արդեն կասկածող չկա, որ սրան ոստիկանությունը, մի քանի դրամի դիմաց, օգտագործում է` քաղաքացիների վրա քրեական գործ «կարելու» համար:
Սա դեռ բոլորը չէ. մյուս ամբաստանյալը համառորեն պնդում է, որ մարդասպանը Վահրամ Մարգարյանը չէ, ինքն է: Գուցե դատախազությունն ա՞յլ տվյալներ ունի (բացի ֆրանգուլյան կոչեցյալից), որին մենք տեղյակ չենք, ու թաքուն են պահում, որ աչքով չտանք, գուցե իսկապես Վահրամ Մարգարյա՞նն է մարդասպանը… Բայց, պարոնայք արդարադատության ռահվիրաներ, էս ո՞նց պատահեց, որ հենց Գուրգեն Մարգարյանի եղբոր` Վահրամի դեպքում ձեր թունդ օրինապաշտությունը բռնեց: Սովոր եք, չէ՞, մարդասպանություններ կոծկել, էն էլ ոնց եք` սովոր, էն էլ` ի~նչ աղմկոտ, սահմռկեցնող սպանություններ, էն էլ` ի~նչ հրեշավոր մարդասպանների… Լավ էլ խախուտ է Վահրամին ներկայացված մեղադրանքը` ֆրանգուլյանի հույսին եք մնացել, լավ էլ` խոստովանողը կա, որ ինքն է սպանել, հետն էլ հիմնավորում է, որ վրեժ է լուծել, սպանել է քիլերի` իր որդուն սպանողին, ինչու՞ չօգտվեցիք առիթից ու չկոծկեցիք նաեւ այս գործը` հանուն սպա Գուրգեն Մարգարյանի հիշատակի, հանուն սաֆարովյան կացնով նահատակված մեր տղայի վշտից քար կտրած հարազատների… Ի հեճուկս սաֆարովի ու ալիեւի եւ Ադրբեջանում դահճին հերոս հռչակած նախրի… Եթե նույնիսկ Վահրամ Մարգարյանը սպանած լիներ, եթե նույնիսկ հասարակությունը տեսներ, որ կոծկում եք այդ փաստը, սա երեւի միակ դեպքը կլիներ, որ ոչ ոք չէր փորփրի դատական գործը` ձեր կեղծիքը բացահայտելու համար: Աղբյուրի ջրի պես պարզ պատմություն. սպանվողը քիլեր էր, իր որդուն սպանող քիլերին էլ սպանել էր հայրը եւ դատարանում պնդում է, որ հենց ինքն է սպանել: Սրանից էլ պարզ ու համոզիչ պատմությու՞ն: Ու՞մ մտքով կանցներ փորփրել էս գործը` էս համատարած ապօրինությունների ճահճում` Գուրգեն Մարգարյանի եղբորը բանտ խցկելու համար…
Հիմա որ ասեմ` այս ամենի նպատակը Գուրգեն Մարգարյանին` հետմահու եւ Գուրգեն Մարգարյանի ընտանիքին վարկաբեկելն էր, որովհետեւ սաֆարովի արտահանձնման մասին Հայաստանի ավազակապետերը վաղուց գիտեին, եւ այս ամենն արվում էր, որ հասարակությունն ավելի թեթեւ տանի ադրբեջանահունգարահայկական դավադրությունը, կասեք` ինչ կեղտոտ բանե՞ր են անցնում մտքովս:
Ինչ ուզում եք` ասեք. Վահրամ Մարգարյանին մարդասպանության համար դատելու իշխանությունների անթաքույց ձգտումը, մի անգամ էլ ընդգծեմ` մարդասպանների նկատմամբ ակնհա’յտ հայրական վերաբերմունք ունեցող իշխանությունների, պատահականություն չէ:
Комментариев нет:
Отправить комментарий