Թեժ պայքար թիվ 7 ընտրատարածքում. Րաֆֆի Հովհաննիսյան Նիկոլ Փաշինյան Սամվել Ալեքսանյան.
Սոցիալական ցանցերում այժմ քննարկվող ամենաթեժ թեման Րաֆֆի Հովհաննիսյանի ինքնաառաջադրումն էր թիվ 7 ընտրատարածքում, եկեք տեսնենք ինչ են ասում իրենք պատգամավորության թեկնածուները:
«Ժառանգություն» խմբակցության առաջնորդ Րաֆֆի Հովհաննիսյանը այսօր տեղի ունեցած ասուլիսում հայտարարեց, թե ինքը չի իմացել, որ ՀԱԿ անդամ Նիկոլ Փաշինյանն առաջադրվել է թիվ 7 ընտրատարածքում, այդ իսկ պատճառով էլ երեկ առաջադրվել է այնտեղ մեծամասնական ընտրակարգով։
Նիկոլ Փաշինյանը այս կապակցությամբ այսօր ասել է. -"Չեմ թաքցնի, ինձ համար կատարյալ անակնկալ էր առաջադրվածների ցանկում Րաֆֆի Հովհաննիսյանի անունը տեսնելը: ԸԸՀ եմ մտել մոտավորապես 16.50-ին, այնտեղից դուրս եմ եկել 17-ն անց ինչ-որ բան, ու այդ պահի դրությամբ Րաֆֆի Հովհաննիսյանը առաջադրված չէր: Ինձ համար շատ ավելի մեծ անակնկալ է այն, որ խորհրդարանական կուսակցության ղեկավարը ԱԺ պատգամավորի թեկնածու է առաջադրվում ոչ թե կուսակցության որոշմամբ, այլ ինքնառաջադրմամբ, եւ հանրությունը խորհրդարանական խմբակցության լիդերի առաջադրման մասին իմանում է ոչ թե կուսակցության հաղորդագրությունից կամ լրատվական հաղորդագրություններից, այլ ԿԸՀ ամփոփագրից:"
Ինչ վերաբերվում է ընտրություններին Րաֆֆի Հովհաննիսյանը վստահ է, որ այս անգամ արդար ընտրություններ են անցկացվելու:
Բացի Րաֆֆի Հովհաննիսյանից, Նիկոլ Փաշինյանից եւ ՀՀԿ պատգամավոր Սամվել Ալեքսանյանից, այդ ընտրատարածքում առաջադրվել են անկուսակցականներ Վարդան Վարդանյանը եւ Տիգրան Գրիգորյանը։
Շնորհակալություն որ հետաքրքրվում եք բլոգով: Ամբողջական կամ մասնակի մեջբերումներ անելիս հղումը դեպի տվյալ գրառումը պարտադիր է:
Комментариев нет:
Отправить комментарий