Միկրոշարժիչը թափանցում է ուղեղի զարկերակներ մի քանի վայրկյանում վերացնելով շրջափակումը

Հուլիս 24, 2012  Melbourne Centre for Nanofabrication

Ավստրալիայի գիտնականները ստեղծել են մի շարժիչ, որը կարողանում է անցնել ուղեղի երաներով: Շարժիչի չափը հավասար է աղի մասնիկի: Մելբուռնի հիվանդանոցի անձնակազմը հուսով է դրա միջոցով բուժել ինսուլտով տառապող հիվանդներին, հաղորդում է ABC News -ը:

Սարքի ստեղծողը պրոֆեսոր Ջեյմս Ֆրենդն է Մելբուռնի Թագավորական տեխնոլոգիական ինստիտուտից: Նրա խոսքերով, սարքը ապահովում է այնպիսի հզորություն, որ մոտորանավակը անցում է զարկերակներով: Այն ստեղծվել է պողպատից եւ աշխատում է պիեզոէլեկտրականությամբ:

Ուշադրության կենտրոնում է դրված նվազագույն ինվազիվ մոտեցում: Հիմնական խնդիրն է հենց մոտորանավակում կատարել բոլոր անհրաժեշտ մանիպուլյացիաները: Միկրոշարժիչը հասնելով դեպի առավել անհասանելի վայրեր թույլ է տալիս արգելաբացել զարկերակները:

Այս պահին, նշում է պրոֆեսորը, խոսքը գնում է միայն ուղեղի զարկերակների մասին: Սակայն, հեռանկարում տեխնոլոգիան կարող է օգտագործվել սրտի եւ երիկամների վրա: Թեեւ այն դեռ հեռու է կատարյալ լինելուց եւ կանցնեն տարիներ մինչեւ կհայտնվի բժիշկների զինանոցում: