Ադրբեջանը խոստովանում է, որ իր զոհերի թիվը շատ ավելի մեծ է

Ադրբեջանը խոստովանում է, որ իր զոհերի թիվը շատ ավելի մեծ է
2012-06-06 14:24:35 հղումը- http://www.zham.am -ի

Ադրբեջանական լրատվամիջոցները տեղեկատվություն են տարածել, թե Ադրբեջանի ՊՆ Աղստաֆայի շրջանի զորամասերից մեկում երկու զինվոր մահացել են, մեկը վիրավորվել՝ զորամասում տեղի ունեցած դժբախտ պատահարի հետևանքով: Ադրբեջանի ՊՆ մամլո խոսնակի տեղակալ Թեյմուր Աբդուլաևը հայտնել է, որ շինարարության վրա աշխատող զինծառայողները մահացել են բետոնե սալիկի վայր ընկնելու հետևանքով.«Զինծառայողները՝
զորամասում բետոնե սալիկի վայր ընկնելու հետևանքով, գլխի վնասվածքներ են ստացել: Պատահարից հետո նրանք տեղափոխվել են հիվանդանոց, սակայն Էմին Գուլիևի և Օրհան հուսեյնովի կյանքը փրկել չի հաջողվել: Վիրավորված Էլնուր Կեչալովը դեռևս հիվանդանոցում է»,- հայտնել է Աբդուլաևը: Հայտնում են ևս մեկ զոհի մասին, որն իբր պայքել է ականի վրա:
Փաստորեն Ադրբեջանի շարունակում է արդեն հայտնի գործելաոճը, երբ սահմանային միջադեպերից հետո Ադրբեջանի զինվորները սկսում են մահանալ ականի վրա պայթյունից», «ինքնասպանության», «դժբախտ պատահարի», «միմյանց վրա կրակելու պատճառով» կամ «հիվանդության» պատճառով, որպեսզի հայտնի չդառնա հայերի ադեկվատ արձագանքելու կարողությունը Ադրբեջանի դիվերսիաններին: Իհարկե այս անգամ ավելի վաղ նա ընդունել էր, որ 5 զոհերը մահացել էին սահմանային միջադեպերի պատճառով`հաշվի առնելով Քլիթոնի այցը տարածաշրջան: Սակայն Ադրբեջանը դա ներկայացրեց որպես «հայկական դիվերսիայի» արդյունք, չնայած, ինչպես հաղորդեց ՀՀ ՊՆ-ը, Ադրբեջանը 5 զոհ էր տվել հայկական Ոսկեպար գյուղի մոտ չհաջողված դիվերսիայի ժամանակ: Սակայն դեռ երեկվանից տեղեկություններ էին շրջանառվում, որ ադրբեջանցիների զոհերի թիվը շատ ավելի մեծ է, որ նրանց թիվը հասնում է մոտ 15-21-ի: Փաստորեն այսօրվա «դժբախտ պատահարի» մասին հաղորդագրությամբ Ադրբեջանը ոչ ուղղակի խոստովանեց ևս 3 զոհերի փաստը: Հայաստանի Հանրային հեռուստաընկերությունը` հղում անելով սեփական աղբյուրներին, հաղորդել է, որ հունիսի 5-ին զոհվել է 14 ադրբեջանցի: Նրանցից 10-ը զոհվել են հունիսի 5-ի գիշերը, Ոսկեպար գյուղի մոտակայքում` Հայաստան ներթափանցած ադրբեջանական դիվերսիոն խմբի վնասազերծման ժամանակ, ևս 4-ը` ոչնչացվել են այլ հատվածում:
Ենթադրաբար հենց դրանից խիստ կատաղած` Ադրբեջանի Զինված ուժերըը այս գիշեր խիստ ինտենսիվ կրակ են բացել Տավուշի մարզի հայկական գյուղերի ուղղությամբ:
Նշենք, որ մինչ այդ հունիսի 4-ի վաղ առավոտյան Ադրբեջանի մեկ այլ դիվերսիայի ընթացքում նրանց հարձակումը քաջաբար ետ մղելու ժամանակ զոհվել էր 3 հայ զինծառայող, 6-ը` վիրավորվել:
Zham.am