Ընտրողների թիվը աճել է մեկնող-չվերադարձողների թվի աճին զուգահեռ

28/03/2012

ՀՀ ոստիկանության հրապարակած 2012թ. մայսի 6–ի խորհրդարանական ըտրությունների ցուցակների համաձայն՝ Հայաստանում ընտրողների թիվը 2 մլն 485 հազ. 844 մարդ է։ Սա ՀՀ ընտրողների ամենամեծ թիվն է, որ երբևէ գրանցված է եղել ընտրական ցուցակներում։ 2008թ. նախագահական ընտրությունների համեմատ այս թիվն աճել է 165 հազ. 469–ով։ Հավանաբար այդ պատճառով 54–ով աճել է նաև ընտրական տեղամասերի թիվը՝ դառնալով 1976։
Նշենք, որ ըստ ՀՀ տարածքային կառավարման նախարարության միգրացիոն ծառայության տվյալների՝ վերջին 4 տարում մեկնող–չվերադարձողների թիվն անդադար աճել է։ Մասնավորապես՝ այս տարվա հունվար–փետրվարին Հայաստանից բոլոր տրանսպորտային միջոցներով մեկնածների թիվը ժամանողներից ավելի է 17 500–ով։ Ընդ որում, անցած տարվա նույն ժամանակահատվածում բացասական սալդոն կազմել է 12 հազ.,  տեղեկացնում է 7or.am-ը.։
Նկարում դուք տեսնում եք ընտրողների թվի փոփոխությունը 1991 - 2012 թթ. ընթացքում: Այսպիսով եթե 1991թ. հանրաքվեին ընտրողների թիվը եղել է 2.163.967 մարդ, ապա  1991 - 2012 թթ. ժամանակահատվածում ըստ ոստիկանության հրապարակած թվերի աճել է 321 հազ. 877 -ով եւ 2012 թ. կազմել 2.485.844: Անցյալ տարեվերջի ասուլիսներից մեկում վարչապետը ասել էր, որ անկախացումից հետո Հայաստանից արտագաղթել է 1 միլիոն 200 հազ. մարդ: Սա փաստորեն, իսկ թղթերի վրա 1991 - 2012 թթ. ժամանակահատվածում Հայաստանի բնակչության թիվը այնքան է շատացել, որ ընտրողների թիվը աճել է 321 հազ. 877 -ով:

Պատրաստված է http://lurerarm.blogspot.com/ Շնորհակալություն որ հետաքրքրվում եք բլոգով: Ամբողջական կամ մասնակի մեջբերումներ անելիս հղումը դեպի տվյալ գրառումը պարտադիր է: