Երջանիկ Աբգարյան. Ինչպես է վաճառվում Ղարաբաղը

Նաեւ 1.Եթե ուզում ես երկիրդ կործանել. -քո երկրի բյուջեից կերակրիր քո երկրում նստած օտար երկրի զինվորին:

2.Եթե ուզում ես Ղարաբաղը ծախել.
-տերերիդ օգնությամբ զավթիր Հայաստանի իշխանությունը՝ գոռգոռալով, թե նախկին իշխանությունը Ղարաբաղը ծախում էր,
-այդուհետեւ որեւէ քայլ չանես ղարաբաղյան հարցով քան այն, ինչ նրանք կթելադրեն՝ ելնելով իրենց ռազմավարական շահերից,
-անմիջապես ղարաբաղցիներին դուրս գցիր բանակցային գործընթացից, ինչը հիմնովին կփոխի ղարաբաղյան հիմնախնդրի էությունը, հնարավորություն կընձեռի Ադրբեջա
նին Ղարաբաղ-Ադրբեջան հակամարտությունը ներկայացնել որպես Հայաստան-Ադրբեջան <տարածքային վեճ>, դրանից բխող բազում անուղղելի բարդացումներով,
-կտրականապես մերժիր հակամարտության կարգավորումը եւ պահանջիր հակամարտության լուծում, այսինքն՝ հրաժարվիր հարցի քաղաքական՝ փուլային կարգավորումից եւ պահանջիր քաղաքականության մեջ բացի կապիտուլյացիոն իրավիճակից այլ նախադեպեր չունեցող փաթեթային լուծում,
-դրա համար հայտարարիր, որ ժամանակը հայերի օգտին է աշխատելու, հայերին հուսադրելով, թե երբեւէ ադրբեջանցիները կհոգնեն հակամարտության լուծման ձգձգումից եւ կհամակերպվեն Ղարաբաղի կորստի հետ,
-դրա համար էլ կհայտարարես, որ հայերը այդ հարցն արդեն իրենց համար լուծել են՝ պատերազմում հաղթելով ադրբեջանցիներին, բայց, ընդառաջ գնալով միջազգային հանրության ցանկությանը, կողմ են բանակցություններ վարելուն, չնայած համոզված են, որ <արյունով գրավված> հողի <ոչ մի թիզը> չի կարելի թշնամուն հանձնել,
-անմիջապես քո <սկզբունքային> համաձայնությունը տուր <Ընդհանուր պետության> փաթեթային տարբերակին, որտեղ սեւով սպիտակի վրա գրված է, որ Ղարաբաղը լինելու է Ադրբեջանի կազմում, ստորագրիր Ստամբուլի խարտիան, որով ճանաչում ես Ադրբեջանի տարածքային ամբողջականությունը՝ Ղարաբաղով հանդերձ, Պետերբուրգում ստորագրիր ռուսների եւ ադրբեջանցիների ներկայացրած այն փաստաթղթի տակ, որով Հայաստանը պարտավորվում է անհաշտ պայքար մղել <մարտնչող անջատողականության> դեմ, համաձայնվիր Բուշի առաջարկին՝ Հայաստանի տարածքը, տվյալ դեպքում՝ Մեղրիի ենթաշրջանը ներքաշել ղարաբաղյան հակամարտության ոլորտը:
Այդուհետեւ մտիր քո իսկական տարերքի մեջ՝ Հայաստանը ծախծխելով փող <աշխատիր> եւ իշխանավարման ու քաղաքականություն վարելու իմիտացիան դարձրու քո ցուցադրական <գլխավոր> զբաղմունքը: Այդ ընթացքում ողջունիր քո երկիրը շրջանցող նավթամուղների ու գազամուղների, երկաթուղիների եւ ավտոմայրուղիների կառուցումը, ընթացքում էլ երկրիդ մեջ ստեղծիր օտար երկրի սեփականություն, չմոռանալով ժամանակ առ ժամանակ պարծենալ, թե Ղարաբաղը դեռ <մեր> ձեռքում է: Այո, դու հենց սկզբից գիտեիր, որ Ղարաբաղն առանց Անկախ Հայաստանը ծախելու անհնար է հանձնել Ադրբեջանին: Դրա համար էլ դու, սիամական եղբորդ հետ ամեն ինչ անում եք մեր երկիրը ներսից կործանելու եւ Հայաստանն ու ԼՂՀ-ն փաթեթով օտարներին ծախելու համար: Դրա մասին հաջորդ գրառման մեջ:
Աղբյուր https://www.facebook.com/yerjanik.abgaryan