Միթե՞ մեր մենթալիտետը դեբիլիզմն է:

Ն.Փաշինյան.-Վերահաստատում եմ Մարտի 1-ի ոճրագործներին առաջին իսկ հնարավոր առիթով, օրենքով սահմանված կարգով դատարանի առաջ կանգնեցնելու հանձնառությունս՝ Ռ. Քոչարյան-Ս. Սարգսյան, Ա. Հովսեփյան-Վ. Օսկանյան ողջ դիապազոնով:
Բլոգի մեկնաբանությունը.
Իշխանության զավթումը եւ ներկա ռեժիմի հաստատումը սկսվեց 1999թ. հոկտեմբերի 27 ոճիրից հետո, սա շատ կարեւոր է, քանի որ դրանք մարտի 1 նույն ոճրագործներն են.
Ավելին, եթե մենք իրոք ազգովի ուզում ենք անկախություն, վերականգնել սահմանադրական կարգը եւ պահպանել պետությունը , շատ կարեւոր է, որ հոկտեմբերի 27 ոճրագործները օրենքի առաջ կանգնեն:
Կարծում եմ շատ թե քիչ բանականություն ունեցող մարդու համար անհասկանալի է ինչի հոկտեմբերի 27 -ը պաշտոնապես չի կոչվում զինված հեղաշրջում, ինչի համար Նաիրի Հունանյանի համար փոխվեց օրենքը, ինչու է նա ընդհանրապես ձեւական  ազատազրկվել..., միթե մեր մենթալիտետը դեբիլիզմն է: Այս մասին մեկ այլ առանձին գրառման մեջ:
Օսկանյանի շուրջ բարձրացված աղմուկը շոու է, Ռ. Քոչարյանին-Ս. Սարգսյանին, Ա. Հովսեփյանին-Վ. Օսկանյանին, հանցագործների հանրապետական կուսակցության-ՀՀԿ կարկառուն ներկայացուցիչներին... "իրական վտանգ" կարող է սպառնալ միայն իշխանությունը ժողովրդին վերադարձնելուց հետո, իսկ մարդասպաններին ու նրանց հովանավորներին օրենքի առաջ կանգնեցնելը եւ համարժեք պատիժը երկրի անվտանգության պարտադիր պայման է:
ՄԵՐՁԴՈԴՅԱ ԿԱՅՔԵՐԻ ԱՌՆՉՈՒԹՅԱՄԲ
Այս հայտարարությունը Փաշինյանի բլոգից. Հոկտեմբեր 6, 2012

Դոդամերձ կամ մերձդոդյա մի շարք կայքեր վերջերս հատուկ ուշադրության կենտրոնում են պահում իմ համեստ անձը: Իրենց նպատակները անիրագործելի գտնելով «քաղաքագիտական վերլուծությունների» ժանրում՝ նոքա անցել են այլեւս լկտի շանտաժի լեզվին: Ինչպես պարզվեց օրերս, սկսել են սպառնալ, թե ինձ վարկաբեկող տեղեկություններ կհրապարակեն եւ սա անում են ընդամենը մեկ ամիս անց այն բանից, երբ նման մի տապալված փորձեց արեց Նեմեց Ռուբոն՝ իր տխրահռչակ հարցազրույցում: Դոդամերձ կամ մերձդոդյա կայքերի շանտաժի հետ կապված հարկ եմ համարում ընդգծել հետեւյալը.
...
ՆԻԿՈԼ ՓԱՇԻՆՅԱՆ
Ամբողջությամբ այստեղ