«Մեկ Սարգսյան, երկու Սարգսյան, երեք Սարգսյան»

Վրաստանում  ասում են ահա թե ինչ է կատարվում Հայաստանի հետ, երբ հայերը հույսը ռուսների վրա են դնում,  իսկ ես կավելացնեմ եւ այլ դրսի ուժերի  /այդ թվում դրսում գործող հայկական կառույցների  հավանությամբ ու նրանց ճոխ ընդունելությանը արժանացող/   երկրի նախագահ, իբր թե անկախ պետություն ունենք նախագահն էլ ընտրվումա, որ էդպեսա բա ի՞նչ եք ուզում, ու՞մ համար եք անդադար նախագահի լեգիտիմության պակասը քողարկում:
Սակայն վերջին ծագումով ղարաբաղցի նախագահները չեն ընտրվել, ոչ մեկի համար գաղտնիք չէ որ ժողովրդական  ընտրություններ որպես այդպիսին Հայաստանում այլեւս գոյություն չունեն, դրա վառ արտահայտությունն է խաղաղ պայմաններում տարեկան 100.000 հասնող արտագաղթը : Ավելորդ է խոսել թե Հայաստանում ինչ խայտառակ են գործում  օրենքները, որովհետեւ նման վարչախմբի կողմից նշանակվող դատավորների պարագայում ուրիշ կերպ լինել չի կարող, կամ ՀՀ կաշառակերության կնքահայրերը անդադար պայքար են մղում կաշառակերության կոռուպցիայի դեմ, բառի բուն իմաստով բացառիկ արդյունք, միջազգային ամենամյա գնահատականներով 1999թ. սկսած ամեն տարի  նախորդի համեմատ նահանջա գրանցվել:

Մի խոսքով ինչպես ասվելա իսկական մոնղոլ-թաթարական ավազակապետություն: 
Համաձայն չե՞ք: Կա՞ էնպիսի պետություն որտեղ  հոկտեմբերի 27 ժամանակ ԱԱԾ պետ աշխատած մարդը ընտրվի երկրի նախագահ, կամ երկրի ամբողջ ոսկու պաշարը ամենաէժան գնով վաճառքի հանած մարդը վարչապետ աշխատի:

«Georgiantimes» . «Մեկ Սարգսյան, երկու Սարգսյան, երեք Սարգսյան»
Հոդվածը ամբողջությամբ կարդացեք zham.am -ում:


«Georgiantimes» պարբերականը օրերս մի հոդված է հրապարակել «Մեկ Սարգսյան, երկու Սարգսյան, երեք Սարգսյան» խորագրով, որ վերաբերում է Հայաստանի նախագահ Սերժ Սարգսյանի ընտանիքին ու մասնավորապես նրան, թե ինչ դարձավ ավտոբուսի նախկին վարորդ Սաշիկ Սարգսյանը, երբ Սերժ Սարգսյանը հայտնվեց Հայաստանի իշխանական վերնախավի շարքերում: Եվ թե ինչու միշտ «սիրող հայր» հանդիսացող Սերժ Սարգսյանը խորհրդարանական ընտրությունների նախաշեմին ստիպված եղավ ընտրություն կատարել. հանել Սաշիկի թեկնածությունը ՀՀԿ-ի ցուցակից հօգուտ մյուս եղբոր`Լևոնի:

Ներկայացնում ենք հոդվածի թարգմանությունն առանց մեկնաբանությունների:

Հայաստանի նախագահ Սերժ Սարգսյանը երկու եղբայր ունի`Ալեքսանդրը և Լևոնը: Հենց որ Սերժ Սարգսյանը հայտնվեց հայկական քաղաքական վերնախավի շարքերում, նա իր ետևից տարավ նաև կրտսերներին: Տարբեր ժամանակներում Սերժ Սարգսյանի հարազատները եղել են Ազգային ժողովի պատգամավորներ: Մասնավորապես Ալեսքսանդրը կամ պարզապես Սաշիկը դարձավ Հայաստանի ամենահարուստ մարդկանցից մեկը և համատեղության կարգով նաև խորհրդարանի պատգամավոր:

Պատգամավոր օլիգարխի սեփականությունն են հանդիսանում գազալցման կայաննների ցանցը Հայաստանում, էլիտար անշարժ գույք Եվրոպայում և ԱՄՆ-ում, շինարարական ընկերություններ: Ամեն ինչ սկսվեց գազալցման կայաններից: Դրանք հայտնվեցին նրա ձեռքին 1998թ-ին, այն բանից հետո, երբ իշխանությունը Հայաստանում վերցրին ղարաբաղցիները: Սերժ Սարգսյանը նոր կառավարությունում դարձավ Պաշտպանության նախարար, իսկ Ալեքսանդր Սարգսյանը հնարավորություն ստացավ «իրենով անել» երկրի գազալցակայանման կետերը:

Սերժն ու Լևոնը իրենց եղբայր-օլիգարխին անվանում են “Սաշիկ”:

Մինչև օլիգարխ ու պատգամավոր դառնալը, Սաշիկն իր հայրենի Ղարաբաղում ավտոբուսի վարորդ և գազի գծով տեխնիկ է եղել: Փողն ու իշխանություն ստանալուց հետո նա ուղղակի կորցրեց գլուխը:
Հայկական թերթերը գրեթե ամեն շաբաթ գրում էին Երևանի լավագույն ռեստորաններում նրա վայրի խրախճանքների մասին: Խորհրդարանի նիստների ժամանակ գործընկերները նրան կամ չէին տեսնում, իսկ եթե տեսնում էին` ապա հոգնած ու “պախմելային» վիճակում:

Նմանատիպ հազվադեպ օրերից էր 2005թ.-ի հոկտեմբերի 3-ը: Հոգնած ու ջարդված պատգամավոր-օլիգարխը եկել էր խորհրդարանի նիստին: Խորհրդարանի միջացքներում նրա ճանապարհը միանգամից կտրեցին լրագրողները: Հիմնականում ԶԼՄ-ների հետ Սաշիկի շփումն ավարտվում է լրագրողների հասցեին կոշտ արտահայտություններ անելով: Մի անգամ Ալեքսանդր Ազատովիչը լրագրողներից թաքնվել էր զուգարանում: Սակայն նույն օրը նա տարօրինակ կերպով անկեղծացավ: Նա նախ բողոքեց ամերիկացիներից, որոնք իրեն ԱՄՆ չեն թողել մաքսային հայտարարագիրը սխալ լրացնելու համար: Երբ որ Սաշիկը մեկնել է Միացյալ նախագահներ, իր հետ տանելիս է եղել չհայտարարագրված 30 միլիոն դոլար գումար.

«Ամերիկացիներն ինձ ետ ուղարկեցին, սակայն փող ես ունեմ: Ինչու ես չեմ կարող փող ունենալ: Ես բիզնես ունեմ, ինձ են պատկանում «Մուլտիմիլիոն» ընկերության բաժնետոմսերի 50%-ը: Եթե դուք ինձ չեք հավատում, ապա վաղը կարող եմ բերել թղթերն ու ցույց տալ»:

Լրագրողներից մեկը հիշեցրեց Սաշիկին, որ ըստ օրենքի պատգամավորները չեն կարող զբաղվել բիզնեսով: Դրան ի պատասխան Ալեքսանդր Սարգսյանը սկսեց զայրանալ. «Գիտեք ես ավելի լավ գիտեմ`ինչ անել: Ավելին, ասեմ, որ այդ ամենով ես չեմ զբաղվում: Ես մարդիկ ունեմ, որոնք զբաղվում են դրանով, իսկ ես ընդամենը ընկերության պատվավոր նախագահն եմ»: Սարգսյանն այդ օրը շատ խոսեց իր արտասահմանյան այցերի մասին, դրսում իրեն պատկանող անշարժ գույքի և այն մասին, թե ինչպես են այդ պատճառով իրեն հետապնդում Հայաստանում.

«Ինչո՞ւ երբ նախկինում լինում էի Անգլիայում, Գերմանիայում, նման բան չէր լինում, ինչու հիմա սկսեց տեղի ունենալ»,-չէր հանգստանում օլիգարխը: Իսկ հարցազրույցի վերջում նա սիրո խոստովանություն արեց ուղղված Հայաստանին և հատկապես իր ավագ եղբորը`Սերժ Սարգսյանին. «Նա ինձ համար հոր պես է: Ինձ չի նախատում իմ ոչ մի քայլի համար, քանի որ գիտի, որ իմ շուրջ բաձրացված աղմուկը ընդամենը խոսակցություններ են: Նա ազգակցական արյունը ջրի չի վերածում”,- Ալեքսանդր Սարգսյանի խոսքերն է մեջբերում «Առավոտ» թերթը:

Սերժ Սարգսյանն իսկապես «ազգակցական արյունը երբեք ջրի չի վերածել»: Ոչ այնքան վաղ անցյալում ռուսական գլխավոր դատախազությունը հարց բարձրացրեց Սաշիկին քրեական պատասխանատվության ենթարկելու և նրան ռուսական արդարադատությանը հանձնելու մասին: Հայաստանի նախագահի եղբոր անունը շոշափվում էր թմրանյութերի վաճառքի և փողերի լվացման գործերի շրջանակներում:

Ռուս հետախույզների վկայությամբ` Ալեքսանդր Սարգսյանը սերտորեն «համագործակցել է» հայ հեղինակություն Արմեն Ղազարյանի, նույնը ինքը Պզոյի հետ: Պզոի ու նրա մարդկանց միջոցով Սաշիկը դուրս էր գալիս հայկական մաֆիայի միջազգային ներկայացուցիչների ու ռուսական «օրենքով գողերի» վրա, մասնակցում հանցավոր գործարքների ԱՄՆ-ում և Եվրոպայում: Ավելորդ կլինի ասել, որ ռուսական «Ֆեմիդի» սրից եղբորը փրկեց նրա եղբայր Սերժը: Շուտով էլ տարօրինակ կերպով երևանյան բանտից ազատ արձակվեց և ինքը`Պզոն:

Հայ քաղաքական գործիչներից Արտաշես Գեղամյանը 2010թ-ին պատմեց լրագրողներին Սաշիկի այլ քրեական գործերի մասին: Գազալցման կետերը, որ նրան հասել էր Ռոբերտ Քոչարյանի շնորհիվ, նա կիսում էր մեկ այլ օլիգարխի`Գագիկ Ծառուկյանի հետ: Գեղամյանի տեղեկությունների համաձայն`Սաշիկը ժամանակին ուզում էր մեջտեղից հանել Ծառուկյանին և նույնիսկ հարձակում էր կազմակերպել գործընկերոջ դեմ: Սակայն պատվիրատուին ու զոհին հաշտեցնել հաջողվեց այդ ժամանակվա նախագահ Ռոբերտ Քոչարյանին: Բացի այդ Գեղամյանի խոսքերով` Սաշիկ Սարգսյանը կապված է նաև Հրազդանի ցեմենտի գործարանի նախկին սեփականատերերից «օրենքով գող» Միքայել Ազատյանի սպանության հետ, ով ավելի հայտնի է որպես Միշա Պիտերսկի:

Վերջերս «Գոլոս Արմենիի» թերթում հրապարակվեց մի նամակ Երևանի Պետական համալսարանի տնտեսագիտական ֆակուլտետի ուսանողների կողմից: Նրա հեղինակների խոսքերով`ֆակուլտետի դեկան Հայկ Սարգսյանը, որը նախկինում դատապարտված է եղել գողության համար, ֆակուլտետում քրեական տեռորի մթնոլորտ է ձևավորել: Տնտեսագիտության ֆակուլտետում կաշառակերություն է տիրում: Նա հետապնդում է կանանց ու աղջիկներին, սեքսուալ բնույթի առաջարկություններ անում: Եվ այս ամենաթողությունը կյանքի կոչելու իր իրավունքը հարգելի դեկանը բացատրում է Ալեքսանդր Սարգսյանի հետ ազգակցական կապով:

Սաշիկ Սարգսյանի անունը նաև շրջանառվեց այլ սկանդալի շրջանակներում` «Երևանում «մեծ շինարարական ծրագրերի հետ կապված»: Ճակատագրի քմահաճույքով Երևանի գլխավոր ճարտարապետի անունը Նարեկ Սարգսյան է: Սարգսյանի ճարտարապետական նախագծերը, երևանցիների կարծիքով, շատ թանկ արժեն, փչացնում են քաղաքային բնապահպանական միջավայրը և ավերում են հայկական մայրաքաղաքի պատմական տեսքը: Հայաստանի ճարտարապետական համայնքում Նարեկ Սարգսյանի նախագծերն անվանում են «Մեծ փողերի» օպերացիա»: Որոշ տեղեկությունների համար այդ օպերացիային մասնակություն ունի նաև պատգամավոր-օլիգարխ Սաշիկը: Նրան է պատկանում է «Գլենդել Հիլզ» շինարարական հոլդինգը:

2010թ-ի օգոստոսին Գյումրի քաղաքում սեփական բնակարանում մահից մի կերպ փրկվեցին տարիքով Միքայելյան ամուսինները: Օգոստոսի 17-ին գիշերվա 2-ի կողմերը, այն տանը որտեղ ապրում էին Միքայելյանները, փլուզվեց առաստաղի որոշ հատվածներ: Բարեբախտաբար զոհեր չեղան: Բնակիչները չէին կարողանում հանգստանալ. տունը շահագործման էր հանձնվել ընդամենը մի քանի ամիս առաջ և այն կառուցել էր “Գլենդել Հիլս” հոլդինգը:

Արժե ասել, որ այս տարի Սերժ ու Ալեքսանդր Սարգսյանների հարաբերություններում ճեղքեր են առաջացել: Սաշիկի քրեական գործերի մասին տեղեկությունները դարձան հանրության սեփականություն: Դրա արդյունքում հայկական լոբբին Կոնգրեսում սկսեց պարտվել թուրքերին ու ադրբեջանցիներին: Հայաստանը զրկվեց մի շարք արտասահմանյան խոշոր ներդրումներից: Սաշիկի վերաբերող լրագրողների հավաքած “կոմպորմատների” թիվը վաղուց կրիտիկական չափերի է հասել: Սաշիկն իր քայլերով հարվածի տակ է դրել Սարգսյաննների ողջ կլանին և հայկական շահը Լեռնային Ղարաբաղում: Շուտով Հայաստանում ընտրություններ են: Այս բոլոր փաստերը համակցելով`Հայաստանի նախագահը որոշել է «զոհ տալ» Սաշիկին: Իսկ ավելի կոնկրետ`նրա անունը հանել ՀՀԿ նախընտրական ցուցակից: Սաշիկի փոխարեն այնտեղ կլինի Լևոն Սարգսյանի անունը`Սերժի մյուս եղբայրը և համատեղության կարգով Հայաստանի նախկին դեսպանը Թունիսում:

Սակայն Սաշիկը նման ելքից գոհ է: Իր վերջերս տված հարցազրույցում նա խոստովանել է, որ «էլ չի ուզում պատգամավոր լինել», քանի որ հոգնել է «մամուլի հարձակումներից»: Նա որպես բիզնեսմեն ավելի քիչ խոցելի է, քան որպես քաղաքական գործիչ»: Սակայն ինչպես փոխանցում է «Ժողովուրդը» իր քաղաքական ապագայի հարցին ի պատասխան Սաշիկն ասել է, որ դեռ «կմտածի»:

Շնորհակալություն որ հետաքրքրվում եք բլոգի գրառումով: Ամբողջական կամ մասնակի մեջբերումներ անելիս հղումը դեպի այս գրառումը պարտադիր է: