Դավիթ Շահնազարյանը դուրս է եկել Հայ ազգային կոնգրեսից: «Բարգավաճը» ընդիմությու՞ն

Դավիթ Շահնազարյանը դուրս է եկել ՀԱԿ -ից, հայտնել է «Ազատություն» ռադիոկայանը:
Գլխավոր պատճառներից մեկը հավանաբար եղել է «Բարգավաճ Հայաստան» կուսակցության հետ ՀԱԿ-ի քաղաքական համագործակցությունը:
«Ընտրությունների արդյունքում Հայաստանում ամբողջովին փոխվեց քաղաքական համակարգի պատկերը: Եթե մինչեւ ընտրություններ Հայաստանում կար երկբեւեռանի քաղաքական համակարգ, որը մի կողմից իշխանությունն էր, մյուս կողմից՝ ՀԱԿ-ը, ապա այսօր այդտեղ տեղի է ունեցել ընդդիմության բեւեռի փոփոխությունը, եւ այդ տեղը զբաղեցնում է արդեն «Բարգավաճ Հայաստանը», որը ինքն իրեն համարում է այլընտրանքային եւ բոլոր հիմքերը ունի իրեն այլընտրանքային անվանելու: Երկրորդ՝ ընդդիմության բուրգում եղած քաղաքական ուժը՝ «Բարգավաճ Հայաստանը», ունի լեգիտիմության նույն աստիճանը, ինչ իշխանությունը կամ գուցե ավելի ցածր, որովհետեւ շատ ավելի համակարգված էր ընտրակաշառքները բաժանում, քան իշխանությունը ներկայացնող Հանրապետական կուսակցությունը» – ասել է Շահնազարյանը: Նա այսօր նաեւ խոսել է "Հարսնաքարում" կատարված սպանության մասին.
Գազանաբարո սպանություն է որակում բժշկի մահը

- - -

Ինչու ենք մենք հասարակության համախմբվածության պահերին հաճախ տեսնում ժողովրդի մեջ հեղինակություն վայելող այս կամ այն ընդիմադիր կարկառուն գործչի միջոցով, իշխանությանը ձեռնտու, այդ պահի շարժումը ասես կասեցնելու միտումը: Հիշեցնեմ վերջին նման փայլուն օրինակը Սուրեն Սուրենյանցի լֆիկամետ հայտարարությունն էր ԱԺ ընտրությունների ժամանակ, որով նա իմ կարծիքով ըստ էության խաչ քաշեց իր քաղաքական գործչի կարիերայի վրա, ճիշտ այնպես ինչպես շատ թե քիչ խելամիտ մարդկանց համար այլեւս քաղաքական գործիչ չեն կարող համարվել Վազգեն Մանուկյանը, Արտաշես Գեղամյանը, Արթուր Բաղդասարյանը եւ այլ հայտնի քոչարյանասեռժական կլանի հաճախորդներ:

Որն է վերջապես "հաճախորդ" "քաղաքական գործչի" տարբերությունը, քաղաքական գործիչներից, կամ թեկուզ պոտենցիալ հաճախորդներից, ինչպես տարբերել դրանց, քանի որ հաճախորդներից շատերը մարդկանց մոլորության մեջ գցելու համար սովորաբար խաղեր տալու գործողություններ են ձեռնարկում: Չնայած դրան իմ կարծիքով կարելի է նշել մի քանի տարբերություն, քանի որ դա առանձին ծավալուն թեմա է, եւ հաճախորդ բառը շատ մեղմ է բնորոշում այդ մարդկանց, այժմ  կուզեի առանձնացնել հետեվյալը: Նրանք բոլորի համար բացահայտ "հաճախորդ" դառնալուց հետո այլեւս չեն խոսում եւ չեն պայքարում որ պարզվի հոկտեմբերի 27 -ի, մարտի 1 -ի գործերը եւ ներկա իշխանությունների ներկայացուցիչների կողմից հովանավորվող վերը նշածի համեմատ այլ մանր համարվող ահաբեկչական գործողություններ: Հետեւաբար այլեւս չեն կարող մնալ այնպիսի կազմակերպություններում, կուսակցություններում, որոնք հայտարարում են, որ պայքարելու են հոկտեմբերի 27 -ը եւ մարտի 1 -ը բացահայտվելու եւ հանցագործներին պատժելու համար: 

Տեսանյութից երեւում է որ Դավիթ Շահնազարյանը խիստ դատապարտում է "Հարսնաքարում" տեղի ունեցած հանցագործությունը, ավելին նա խիստ քննադատության է ենթարկում ՀՀԿ եւ ԲՀԿ -ին, նրանց կողմից թիկնազորային տեռորիստական կառույցներ պահելու համար, նշելով որ Հայաստանի քաղաքացին ամեն օր տնից դուրս գալով գնում է պատերազմի եւ չգիտի իր գլխին ինչ կգա: Նկատենք, ոչինչ չի ասվում այդ ամենը հովանավորող նախագահի մասին: Միգուցե այդպես է գտնում որ չամրապնդվի մյուս չարիքի դիրքերը, միգուցե:

Բայց անհասկանալի է ընդդիմության բեւեռի շնորհումը «Բարգավաճ Հայաստանին», ԲՀԿ -ն իմ կարծիքով նույն ապօրինի իշխանությունն է եւ մարդիկ հասկանում են դա: Օրինակ ըստ Ա1+  այս պահին ընթացող հարցման, 1600 հարցվածներից միայն 18 տոկոսն է կարծում որ ԲՀԿ -ն երբեւե ինքնուրույն գործող ուժ կարող է լինել, իսկ մարդկանց մոտ 67 տոկոսը, ըստ նույն հարցման, չի հավատում ԲՀԿ -ին եւ կարծում են որ առաջիկայում  ՀՀԿ -ի հետ է շարունակելու գործել: Ուրեմն էլ ինչ ընդդիմություն:
Ժողովրդի համար լեգիտիմ է՞ ԱԺ ընտրություններին ընտրված պատգամավորների կուսակցական ներկա համամասնությունը: Որի ընտրացուցակը մոտ մեկ միլիոն ձայներով կեղծելու տեխնիկական հնարավորություն ընձեռեց ՀՀԿ-ԲՀԿ կեղծարարներին: